][؛حـــــــــــــــ ؛الـــقـــلـــب؛ــــــــــــــوار؛][

[][؛همس؛المرايا؛][]

][؛حـــــــــــــــ؛الـــقـــلـــب؛ــــــــــــــوار؛][

ذكرت ليلك وليلي بذكر خالي. . . عسى الذي أطريه لك جاب طاريك

كم ذا يعاني القلب ويقول تالي. . . ماشوف من تاليك غير الدواليك

الشوق منّك كالجبال العوالي. . . والصد منّه زايد بشوق مافيك

قمت تذكره في كل طلة هلالي. . . وكل منزله هلّ الهلال أبها يعييك

حتى شروق الشمس ووقت الزوالي. . . ناهيك إرعى قلب يكفيك يكفيك

قلوب الورى بين التدفق تسالي. . . وانا مع دفق الدما دوم أناجيك

أرجوك يكفيني وجاوب سؤالي. . . كل هالعنى قول لي وين راح يوديك

إن كنت مستمتع عذابك عدالي . . . وان كنت مغلوبٍ على امرك أواسيك

وان كنت مريض أبحبها وهي محالي. . . أخلص دعاي وأرجوا الله يشفيك

لكن دوامي بحالتك حيل مالي. . . صبرٍ عليها وان أوقّف راح أنهيــــــــك

][؛جـــــــــــــــ؛الـــقـــلـــب؛ــــــــــــــواب؛][

ياقلب أرحم رحمة الله توالي. . . أحجر عليك قسوة قلبها لا تعديك

أبتنـــهـني, انهي مال الدنيا ومالي. . . إن كنت تنساها فأيش نفعتي بيك

العقل سارح ناعمٍ بالخيالي. . . والدم من ذكراها شارب يدفّيك

والشوق من حر الشموس لي ظلالي. . . أتريد أقلع شوقي إلها واعرّيك

ياقلب حس الجمال عيش من خلالي. . . دفق الدما من غير روحٍ بتظنيك

إلها من الكلمات جوهر يلالي. . . تسعد به عيوني وتسعد مجاريك

ولها من الطلات حلو الوصالي. . . إن شفتها يدفق بي الدم ويرويك

وتحس نبضك خافضٍ صار عالي. . . هذي الحياه والحي ياقلب يحييك

ترى الذي حبيت ياقلب غالي . . . يكفي بغلاته إنني مرخصٍ فيــــــــــــك

وسلامتكم

------------------
دنيا دنيّه مابها من يدومي .. مادايم الاّ وجه رب وجدها
a123m321@yahoo.com

[تم تحرير الموضوع بواسطة ][؛همس؛المرايا؛][ (حُرِّرَت بتاريخ 09-17-2000).]

[تم تحرير الموضوع بواسطة ][؛همس؛المرايا؛][ (حُرِّرَت بتاريخ 09-17-2000).]

[رفيع؛الشان]

صح لسانك.......

رفيع؛الشان

الله الله اخوى همس صح لسانك على هذه القصيدة والى الامام .....

------------------
نحن لا نملك الحياة إذا لم نعش حياتنا بالحب!!

[][؛همس؛المرايا؛][]

تسلمين اختي منار وبدعمك الدائم لي احاول اقدم الأفضل .. :)

------------------
a123m321@yahoo.com
بعض الجروح ان جت من اغراب عادي .. الجرح موت الجرح لاجا من احباب